Eks-ministr abarony Ukrainy Reźnikaŭ praź siem miesiacaŭ znajšoŭ novuju pracu
Alaksiej Reźnikaŭ staŭ dyrektaram prahram biaśpieki i abarony ŭ Instytucie budučyni.
13.04.2024 / 07:41
Alaksiej Reźnikaŭ u centry. Fota: fejsbuk Ihara Liskaha
Suzasnavalnik Ukrainskaha instytuta budučyni Ihar Liski ŭ fejsbuku apublikavaŭ sumiesnuju fatahrafiju z Reźnikavym. Na fota taksama prysutničaje jašče adzin suzasnavalnik prahram biaśpieki i abarony — Anatol Amielin, piša «Ukrainskaja praŭda».
«Ciapier heta samy aktualny kirunak, i my vielmi vierym, što mienavita Alaksiej Reźnikaŭ zmoža dać śviežy šturšok u śfiery abarony i biaśpieki našaj krainy. Čakajem vašych idej, dumak i supracoŭnictva. Abiacajem novy ŭzrovień analityki, źmiestu i dyskusii», napisaŭ Liski.
5 vieraśnia 2023 hoda Viarchoŭnaja Rada zvolniła Alaksieja Reźnikava z pasady ministra abarony, a 6 vieraśnia pryznačyła zamiest jaho byłoha kiraŭnika Fondu dziaržmajomaści Rustema Umierava.
U studzieni stała viadoma, što Reźnikaŭ adnaviŭ svajo prava zajmacca advakackaj dziejnaściu.
Zialenski mianiaje ministra abarony. Reźnikava źmienić krymski tataryn
Viarchoŭnaja Rada ŭchvaliła adstaŭku Alaksieja Reźnikava z pasady ministra abarony
Zialenski paprasiŭ ukrainskich žurnalistaŭ nie pisać pra karupcyju ŭ vojsku «da pieramohi»