Cieła pamierłaj piensijanierki z rasijskaha Tatarstana vieźli ŭ morh u kaŭšy traktara
Z-za adsutnaści asfaltavaj darohi da pasiołka.
13.04.2024 / 08:07
Fota: rehijon 116
Cieła pamierłaj piensijanierki z Tatarstana (Rasija) vieźli ŭ morh u kaŭšy traktara. Uvahu na heta źviarnuła vydańnie 7ch7.
92-hadovaja žančyna pamierła 8 krasavika ŭ pasiołku Hubajdułaŭka. Jaje cieła vieźli da najbližejšaj asfaltavaj darohi ŭ kaŭšy traktara — u hety dzień hruntoŭku da nasielenaha punkta razmyła vadoj.
«Vielmi šmat razoŭ pisali, kab zrabili darohu, ale biessensoŭna. I ŭ takich umovach davodzicca chavać ludziej», — napisaŭ unuk žančyny.
Ułady paćvierdzili infarmacyju ab hetym. Kiraŭnik rajona zajaviŭ, što ŭ vioscy pražyvaje ŭsiaho 14 čałaviek, a šlach pa hruntovaj darozie zajmaje 1,9 km. Jon dadaŭ, što ŭłady nakiravali ŭ profilnaje respublikanskaje viedamstva zapyt na ŭklučeńnie darohi ŭ prahramu rabot.
Tatarstan — nie adziny rehijon Rasii, dzie chutkaja nie moža dabracca da ludziej u addalenych vioskach. U Čuvašyi žycharoŭ voziać u načoŭkach i na tačkach.