У Крыме прагрымелі выбухі на аэрадроме «Джанкой»
Пасля выбухаў адбыўся маштабны пажар.
17.04.2024 / 07:14
Скрыншот відэа
У ноч на сераду ў акупаваным Крыме прагрымелі выбухі ў горадзе Джанкой у раёне вайсковага аэрадрома. Паводле інфармацыі мясцовых жыхароў, выбухі прагрымелі да абвяшчэння паветранай трывогі, піша «Украінская праўда».
Як бачна на відэа, пасля выбухаў адбыўся маштабны пажар.
«Джанкой» — дзяржаўны аэрадром у Крыме. Там дыслакуецца 39-ы верталётны полк 27-й змяшанай авіяцыйнай дывізіі 4-га камандавання ВПС і спа Паўднёвай ваеннай акругі. Таксама там тры авіяцыйныя эскадрыллі на Мі-8, Мі-35М, Мі-28, Ка-52.
Акрамя гэтага ў «Джанкоі» дыслакуюцца верталёты памежнай службы ФСБ РФ.