Rasijskija vojski ŭdaryli pa Čarnihavie, zahinuli vosiem čałaviek
Pavodle źviestak kiraŭnika Čarnihaŭskaj abłasnoj administracyi Viačasłava Čavusa, pa horadzie byli naniesienyja try rakietnyja ŭdary.
17.04.2024 / 11:05
Vykonvajučy abaviazki mera horada Alaksandr Łamaka ŭdakładniŭ, što ŭdar pryjšoŭsia nie pa centry horada. Pavodle jaho słoŭ, rakieta trapiła pa šmatpaviarchovym budynku, raźmieščanym u adnym ź mikrarajonaŭ. Pavodle papiarednich źviestak, razburanaja ściana budynka, paškodžanyja susiednija damy i aŭtamabili.
Na hety momant viadoma pra 8 zahinułych i 18 paciarpiełych.