Spravu eks-dyrektara DFR nakiroŭvajuć u sud

Byłoha hałoŭnaha finansavaha milicyjanta krainy vinavaciać u stvareńni ŭ bujnoj złačynnaj arhanizacyi. Epizod adnosicca da jahonaj bytnaści namieśnikam načalnika KDB pa Bresckaj vobłaści.

20.01.2010 / 13:24

Byłoha hałoŭnaha finansavaha milicyjanta krainy vinavaciać u stvareńni ŭ bujnoj złačynnaj arhanizacyi. Epizod adnosicca da jahonaj bytnaści namieśnikam načalnika KDB pa Bresckaj vobłaści.

Sprava byłoha dyrektara Departamienta finansavych rasśledavańniaŭ Kamiteta dziaržkantrolu Anatola Hramoviča nakiroŭvajecca ŭ sud, paviedamlaje BiełaPAN. Jaho aryštavali 15 studzienia 2009 hoda. Hienprakuratura vystaviła Hramoviču nadzvyčaj surjoznyja abvinavačańni — jamu zakidvajecca stvareńnie złačynnaj arhanizacyi ci ŭdzieł u joj, ździejśnienyja słužbovaj asobaj z vykarystańniem svaich słužbovych paŭnamoctvaŭ (č.3 art.285 KK). Pavodle hetaha artykuła, abvinavačanamu pahražaje ad 10 da 15 hadoŭ źniavoleńnia z kanfiskacyjaj majomaści.

Materyjały hučnaj spravy datyčać padziejaŭ 2001 hoda, kali A. Hramovič zajmaŭ pasadu namieśnika načalnika Upraŭleńnia KDB pa Bresckaj vobłaści.

Hladzi jašče:
Rychtujecca praces byłoha hałoŭnaha finansavaha milicyjanta krainy

SP