Najbolš zabojstvaŭ u Barysaŭskim rajonie
Potym idzie Minski rajon, a voś Babrujsk vypraŭlajecca.
20.01.2010 / 14:27
Letaś pa krainie najbolš zabojstvaŭ było zafiksavana ŭ Barysaŭskim rajonie, paviedamiŭ na pres‑kanfierencyi hienieralny prakuror Ryhor Vasilevič.
Usiaho na Barysaŭščynie ŭ 2009 hodzie było 19 zabojstvaŭ, stolki ž sama ŭ Minskim rajonie. Heta lidery pa dadzienaj statystycy.
Ryhor Vasilevič skazaŭ, što jašče ŭ 2008 hodzie lideram byŭ Babrujsk. Ale letaś tam situacyja palepšyłasia — było 9 zabojstvaŭ.
Prakuror Barysaŭskaha rajona za kiepskuju pracu byŭ vyzvaleny z pasady. «U prakuroraŭ dastatkova srodkaŭ upłyvać na rozum i śviadomaść ludziej», — skazaŭ R.Vasilevič.
Uvohule letaś zafiksavany rost złačynnaści ŭ 45 rajonach krainy. Najbolšyja vybuchi złačynnaści adznačanyja ŭ Navabielickim rajonie Homiela, Horackim rajonie, Pieršamajskim i Frunzienskim rajonach stalicy.