Pa sacsietkach hulaje fota «aholenaj Śviatłany Cichanoŭskaj». Razabralisia, adkul pajšoŭ hety fejk
Chto z prapahandystaŭ ukinuŭ «pikantny» zdymak u infarmacyjnuju prastoru?
23.04.2024 / 00:11
Śviatłana Cichanoŭskaja. Fota Ofisa Śviatłany Cichanoŭskaj
Apošnimi dniami fota «Cichanoŭskaj u kupalniku» stali vystaŭlać pamyjnyja prałukašenkaŭskija telehram-kanały. Zdymak padchapili fejsbuk-akaŭnty, pryśviečanyja krytycy Ofisa Śviatłany Cichanoŭskaj i inšych demakratyčnych strukturaŭ.
«Hołaja Śviatłana Cichanoŭskaja». Fota z fejsbuka
Jakaja krynica hetaha fota?
Kali skarystacca zvarotnym pošukam pa vyjavach, to vyśvietlicca, što fota hulaje pa roznych rasijskich resursach kala 15 hadoŭ pa zapytach nakštałt «dziaŭčyna na fonie dyvana».
Pieršaja viadomaja nam zhadka fota z podpisam pra Cichanoŭskuju — heta artykuł u «Minskaj praŭdzie», jaki napisała prapahandystka Dzijana Šybkoŭskaja. Lehienda artykuła takaja:
«Śviatłana Cichanoŭskaja była eskortnicaj i vyjšła zamuž za Siarhieja Cichanoŭskaha, jaki byŭ kryminalnikam i sutenioram». Z ulikam adsutnaści faktury ŭ artykule navina nahadvaje eratyčnyja fantazii samoj prapahandystki, a nie sprobu razabracca ŭ minułym siamji Cichanoŭskich.
Ci Śviatłana Cichanoŭskaja na fota?
Nie, heta nie Śviatłana Cichanoŭskaja. Paraŭnajcie fota maładoj Śviatłany i hetaj dziaŭčyny.
Śviatłana Cichanoŭskaja ŭ maładości (z pravaha boku) i «eskortnica-Cichanoŭskaja» z «Minskaj praŭdy».
Heta ž paćviardžajuć i niejrasietki, jakija paraŭnoŭvajuć, nakolki padobnyja ludzi na fota.
Toje, što heta dziaŭčyna — nie Cichanoŭskaja, paćviardžajuć i niejrasietki. Vynik pracy prahramy Image Analysis Toolset
A chto na fota?
Na fota žančyna z Maskvy. Jaje kličuć Halina i joj 40 hadoŭ. Raniej jana zajmałasia manikiuram, a ciapier vučyć pradavać na Wildberries. U Haliny muž i dzicia.
Vynik paraŭnańnia fota Haliny. Fota: «Minskaja Praŭda», staronka Haliny ŭ VK
Takim čynam, fota — čarhovy fejk prapahandy.
Čytajcie taksama:
Prapahandysty prydumali fejk pra naziralnikaŭ na vybarach i «Viasnu» — i sami ž jaho vykryli