«Human Rights Watch» pryznała novych palitviaźniaŭ u Biełarusi
«Human Rights Watch» pryznała Mikałaja Aŭtuchoviča, Uładzimira Asipienku, Juryja Lavonava (vyzvaleny ŭ žniŭni 2009 hodu) i Arcioma Dubskaha palitviaźniami.
20.01.2010 / 19:29
«Human Rights Watch» pryznała Mikałaja Aŭtuchoviča, Uładzimira Asipienku, Juryja Lavonava (vyzvaleny ŭ žniŭni 2009 hodu) i Arcioma Dubskaha palitviaźniami.
Mižnarodnaja pravaabarončaja arhanizacyja Human Rights Watch, jakaja maje siadzibu ŭ Ńju‑Jorku, apublikavała štohadovuju, užo dvaccatuju, spravazdaču ab stanie vykanańnia pravoŭ čałavieka ŭ śviecie.
Sioletniaja spravazdača admietnaja tym, što jana fiksuje bolšuju čym zvyčajna kolkaść atakaŭ suprać pravaabaroncaŭ i pravaabarončych arhanizacyj u šmat jakich krainach śvietu, uklučna ź Iranam, Birmaj, Kitajem, i niekatorymi krainami byłoha SSSR.
U 2009 hodzie zabivali pravaabaroncaŭ u Rasiei, Šry‑Łancy, Kienii, Burundzi i Afhanistanie.
U niekatorych krainach režymy nastolki represiŭnyja, što pravaabaroncy nia mohuć u ich uvohule dziejničać. Da takich krainaŭ naležać Erytreja, Paŭnočnaja Kareja i Turkmienistan.
U ciažkich umovach dziejničajuć pravaabaroncy ŭ Kitai, Sudanie, Iranie, Kałumbii, Vieniesuele, Nikarahua, Konha, Efiopii, Jehipcie, Izraili, Azierbajdžanie.
Adnosna Biełarusi spravazdača «Human Rights Watch» adznačaje paharšeńnie situacyi z pravami čałavieka za apošni hod. Spravazdača kaža pra čatyroch novych palityčnych viaźniaŭ u Biełarusi ŭ 2009 (Mikałaj Aŭtuchovič, Uładzimir Asipienka, Jury Lavonaŭ, Arciom Dubski), razhon niekalkich demanstracyj dy admovie rehistracyi dźviuch niedziaržaŭnych arhanizacyj («Naša Viasna», Biełaruskaja asambleja niaŭradavych arhanizacyj) i troch haziet («Novaja hazieta Babrujska», «Naša pravincyja», Mahiloŭski čas») z‑za nieabhruntavanych pryčynaŭ.