Port dla Biełarusi ŭ Murmansku budzie budavać były dyrektar «Biełšyny», jakoha hod tamu aryštoŭvali
Rasijskija miedyja siońnia paviedamili pra pahadnieńnie ab budaŭnictvie biełaruskaha parta na rasijskaj poŭnačy, padpisanaje hubiernataram Murmanskaj vobłaści Andrejem Čybisam i hiendyrektaram rasijskaj kampanii ź biełaruskimi karaniami «Marski terminał «Varoty Arktyki» Andrejem Bunakovym. Vydańnie Reform.by paznała ŭ apošnim byłoha dyrektara «Biełšyny», pra jakoha krychu bolš za hod tamu Łukašenka havaryŭ jak pra aryštavanaha za karupcyju.
22.04.2024 / 16:45
14 lutaha 2023 hoda Łukašenka paviedamiŭ pra aryšt hiendyrektara «Biełšyny» i zładziŭ raznos čynoŭnikam, jakija sprabavali za jaho zastupacca.
«Jon [Parchomčyk] mnie telefanuje, kaža: «Taki byŭ dobry, pasadzili». Hałoŭčanka śledam, Kačanava treciaja. Nu tak što. Atrymlivajecca tak: heta naš, hety adkazvać nie pavinien, a hety bčbšnik — u turmu jaho. Nie, chłopcy. Dla ŭsich zakon adnolkavy i praviły adnolkavyja. Asabliva tut», — skazaŭ tady Łukašenka.
Pierakanacca ŭ tym, što ŭ Murmansku byŭ siońnia mienavita toj Bunakoŭ, možna, pahladzieŭšy na fota, jakoje apublikavała Ministerstva infarmacyjnaj palityki Murmanskaj vobłaści. Mužčyna ŭ pinžaku i biełaj kašuli biez halštuka — Andrej Bunakoŭ.
Fota: pres-słužba ŭrada Murmanskaj vobłaści
TAA «Marski terminał «Varoty Arktyki» sa statutnym kapitałam 180 młn rasijskich rubloŭ było zarehistravana 1 krasavika 2024 hoda pa adrasie Murmanskaja vobłaść, Kolski r-n, np Mišukova, d. 19, pavierch 1 pamiašk. 50.
Uładalnikami rasijskaj kampanii vystupajuć hramadzianka Biełarusi Malarova Neli Barysaŭna (joj naležyć 1%) i TAA «Łahistyk Enerdžy» (99%). Pry hetym 100% «Łahistyk Enerdžy» naležyć usio toj ža Malarovaj, pra jakuju bolš ničoha nieviadoma.
Biełaruś pabuduje ŭ Murmansku port dla pieravałki hruzaŭ mahutnaściu 25-30 młn ton
Aryštavali hienieralnaha dyrektara «Biełšyny»
Niaviestka Łukašenki zhaniała ŭ Maskvu za dypłomam «Šanson hoda» ŭradavym bortam