Pa padazreńni ŭ padpale relejnych šaf kala miažy Rasii i Biełarusi zatrymali troch školnikaŭ
Pa infarmacyi telehram-kanała Astra, u Smalenskaj vobłaści zatrymali vučniaŭ 6, 8 i 9 kłasaŭ — 13-hadovaha Juryja, 15-hadovaha Andreja i 16-hadovaha Ramana — pa padazreńni ŭ padpale dźviuch relejnych šaf na čyhuncy i ŭzłomie jašče adnoj.
22.04.2024 / 21:18
Raniej taja ž Astra paviedamlała, što 17 krasavika na 466-m km Maskoŭskaj čyhunki, pamiž stancyjami Krasnoje i Husina ŭ Smalenskaj vobłaści pobač ź biełaruskaj miažoj padpalili dźvie relejnyja šafy, jakija vyhareli całkam. Jašče adna šafa była ŭzłamanaja. U vyniku zatrymalisia ŭ darozie pasažyrskija ciahniki.
Siłaviki ličać, što padletki padpalili čyhunačnaje abstalavańnie nibyta za ŭznaharodžańnie ŭ 70 tysiač rubloŭ, jakoje jany atrymali ad nieviadomaha karystalnika telehrama.
Relejnuju šafu padpalili la miažy Biełarusi i Rasii
12-hadovy školnik u Rasii sprabavaŭ padpalić relejnuju šafu