Kamanda Navalnaha pachvaliłasia, što paspryjała aryštu namieśnika Šajhu. Uspychnuŭ skandał
Adrazu paśla taho, jak u Rasii za chabar zatrymali vysokapastaŭlenaha vajskovaha čynoŭnika, pradstaŭniki Fondu baraćby z karupcyjaj (FBK) zajavili ab uniasieńni svajho ŭkładu ŭ hety aryšt, čym adrazu spravakavali buru niezadavolenaści siarod rasijska-apazicyjnych i ŭkrainskich kołaŭ. Raskazvajem, u čym sutnaść pretenzij i kamu ŭ kamientarach, naadvarot, spadabałasia zajava FBK.
24.04.2024 / 14:22
Namieśnik ministra abarony Rasii Cimur Ivanoŭ u sudzie čakaje rašeńnia ab abrańni miery ŭtrymańnia. Fota: telehram-kanał sudoŭ ahulnaj jurysdykcyi horada Maskvy
U kamientarach pad zajavami pradstaŭnikoŭ kamandy Navalnaha i FBK ŭ tvitary, dzie adznačałasia rola arhanizacyj u zatrymańni i źmiaščeńni ŭ SIZA namieśnika ministra abarony Rasii Cimura Ivanova za bujny chabar, uspychnuŭ skandał z haračymi abmierkavańniami nakont pravilnaści vykaranieńnia karupcyi ŭ rasijskim vojsku padčas vajny va Ukrainie.
U svaich publikacyjach FBK i inšyja prychilniki zabitaha apazicyjnaha palityka Alaksieja Navalnaha akcentavali ŭvahu na tym, što jany pravodzili antykarupcyjnaje rasśledavańnie ŭ dačynieńni da Cimura Ivanova jašče ŭ kancy 2022 hoda, i što paśla hetaha možna było dakładna ŭkazvać na vinu čynoŭnika ŭ chabarnictvie.
Hetyja zajavy mnohim nie spadabalisia, asabliva antyvajenna nastrojenym rasijanam i ŭkraincam. Tyja stali masava abvinavačvać FBK u dapamozie rasijskaj armii i śpiecsłužbam, «bo biez karupcyjanieraŭ u vojsku bolš hrošaj pojdzie na vajnu».
Voś, naprykład, jak heta było ŭ kamientarach pad dopisami supracoŭnicy FBK Maryi Pieŭčych i aficyjnaha akaŭnta kamandy Navalnaha.
Aproč niehatyŭnych reakcyj, taksama znajšłosia miesca i ŭchvalalnym. I havorka idzie bolš nie pra vykazvańni tych karystalnikaŭ, chto sprabavaŭ supakoić roznyja baki kanfliktu, a pra reakcyi rasijskich Z-akaŭntaŭ i botaŭ, jakija masava nabiehli ŭ kamientary i stali chvalić FBK za palapšeńnie efiektyŭnaści armii Rasii, tym samym pravakujučy ŭkraincaŭ i apazicyjnych rasijan na dalejšy kanflikt.
«Dobryja ruskija» pasvarylisia z-za Cichanoŭskaj