Minčuka asudzili za ŭdzieł u vosieńskaj akcyi pratestu. Z dokazaŭ pa spravie — bežavaje palito
U sudzie Savieckaha rajona 5 krasavika za ŭdzieł u adnym z šeściaŭ vosieńniu 2020-ha hoda asudzili Mikitu Dabravolskaha. Sudździa Volha Jemieljančanka pryznała minčuka vinavatym pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak) i pryznačyła jamu dva z pałovaj hady «chatniaj chimii», piša «Viasna».
24.04.2024 / 15:05
Pavodle viersii abvinavačvańnia, Mikita Dabravolski na praśpiekcie Niezaležnaści ŭ Minsku «błakavaŭ i zastupaŭ šlach transpartnym srodkam, u vyniku čaho jaho dziejańni paciahnuli parušeńnie pracy transpartu, čym jon pryčyniŭ «Minsktransu» materyjalnuju škodu na sumu 22 500 rubloŭ 66 kapiejek».
Na pracesie Mikita pryznaŭ vinu i paćvierdziŭ, što sapraŭdy braŭ udzieł u akcyi pratestu i ruchaŭsia pa prajeznaj častcy. Dokazami pa spravie stali fota z telefona mužčyny, a taksama palito bežavaha koleru, u jakim jon byŭ na šeści i zafiksavany na fota.
U vyniku sudździa Volha Jemieljančanka pryznačyła Dabravolskamu dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»). Da suda mužčyna ŭtrymlivaŭsia pad zakładam u pamiery 8 000 rubloŭ.
Biznesmiena Uładzimira Bałabanoviča pačynajuć sudzić za «zakliki da sankcyj»
Asudžanaha na 13 hadoŭ Paŭła Biełavusa buduć znoŭ sudzić
Finansavy kansultant viarnuŭsia z-za miažy. Jamu pahražaje da 12 hadoŭ za «zakliki da sankcyjaŭ»