Свет

Пентагон неадкладна накіроўвае на падтрымку Украіны зброю на мільярд даляраў

Міністэрства абароны ЗША адразу пасля падпісання прэзідэнтам Байдэнам закона аб вайсковай дапамозе Украіне аб'явіла пра новыя пастаўкі для патрэбаў Кіева. Як паведамілі ў Пентагоне, пастаўкі будуць ісці са складоў арміі ЗША, а аб'ём пакету складзе 1 млрд даляраў.

Пентагон у Вашынгтоне. Фота: Wikimedia Commons

У новы пакет уваходзяць:

• ракеты RIM-7 і AIM-9M для СПА;
• ракеты для ЗРК Stinger;
• стралковая зброя і дадатковыя патроны да стралковай зброі, у тым ліку патроны калібра 50 для барацьбы з беспілотнікамі;
• боепрыпасы для HIMARS;
• 155-мм артылерыйскія выстралы;
• 105-мм артылерыйскія выстралы;
• 60-мм мінамётныя выстралы;
• баявыя машыны пяхоты Bradley;
• машыны з супрацьміннай абаронай MRAP;
• пазадарожнікі HMMWV;
• грузавыя аўтамабілі;
• тактычныя машыны для буксіроўкі і перавозкі тэхнікі;
• супрацьтанкавыя ракеты TOW;
• супрацьтанкавыя комплексы Javelin і АТ-4;
• высокадакладныя авіяцыйныя боепрыпасы;
• абсталяванне аэрадромнага забеспячэння;
• супрацьтанкавыя міны;
• супрацьпяхотныя боепрыпасы Claymore;
• падрыўныя боепрыпасы для расчысткі перашкод;
• прыборы начнога бачання;
• запасныя часткі, палявое абсталяванне, навучальны рыштунак, тэхнічнае абслугоўванне і іншае дапаможнае абсталяванне.

Усяго законам прадугледжана выдзяленне на падтрымку Украіны 61 млрд даляраў.

Каментары да артыкула