Navukoŭcy vyśvietlili, čamu śviet ustupaje ŭ šakaładny kryzis
Jak piša vydańnie Sciencedaily, suśvietny kryzis z vytvorčaściu kakavy, jaki ŭ pierśpiektyvie moža vyklikać toje, što šakaład stanie raskošaj, vyklikany kuzurkami-škodnikami. Jany nazyvajucca mučnistymi čarviacami (taksama ich zavuć «kasmatymi vošami») i pieranosiać niebiaśpiečny virus, jaki zaražaje da 50% kakavavaha ŭradžaju.
26.04.2024 / 16:09
Kakavavyja płady na drevie. Fota: Tananuphong Kummaru / vecteezy.com
U Hanie, naprykład, hetaj kuzurkaj užo było źniščana bolš za 254 miljony kakava-dreŭ. Z-za virusu suśvietnyja pastaŭki kakava i, takim čynam, šakaładu znachodziacca pad pahrozaj.
Piestycydy, jakija vykarystoŭvajucca dla baraćby z čarviacami, akazalisia nieefiektyŭnymi. Isnuje vakcyna dla dreŭ, ale jana zanadta darahaja dla miascovych fiermieraŭ, da taho ž vakcynavanyja drevy dajuć mienšy ŭradžaj.
Mučnisty čarviec. Fota: beztarakanov.ru
Ciapier navukoŭcy pracujuć nad novaj madellu pasadki dreŭ: vakcynavanyja drevy pavinny słužyć barjeram dla nievakcynavanych. Raspracavanyja dźvie ekśpierymientalnyja schiemy, jakija jašče treba budzie pravieryć u realnych umovach.
Chutka šakaład stanie raskošaj? Kakava-baby za hod padaražali ŭ piać razoŭ
Biełarusam prapanavali jahady ź Zimbabve pa 80 rubloŭ za kiłahram