Źjaviŭsia jašče adzin vid telefonnaha padmanu
Machlary pradstaŭlajucca supracoŭnikami Biełtelekama.
29.04.2024 / 10:55
U miesiendžary 71-hadovaj minčancy patelefanavali nieznajomcy, jakija pradstavilisia apieratarami suviazi i prapanavali padoŭžyć pakiet pasłuh na telebačańnie. Piensijanierka vykazała zdahadku, što joj telefanujuć ašukancy, i pakłała słuchaŭku. Ale pry hetym jana pierajšła pa spasyłcy, jakaja pryjšła ŭ sms-paviedamleńni, spampavała i ŭstanaviła dadatak, paviedamlaje minskaja milicyja.
Praź niejki čas minčancy patelefanavali i paviedamili, byccam ź jaje bankaŭskaha rachunku byli śpisanyja srodki. Kab zaścierahčy pakinutyja srodki, žančynie paraili zadekłaravać ich. Piensijanierka ŭziała ŭsie svaje hrošy (bolš za $16 tys.) i ŭ banku adkryła novy rachunak, kudy pieraviała ŭsiu sumu.
Praz raniej ustalavany dadatak ašukancy atrymali łahiny, paroli i kody dla internet-bankinhu piensijanierki, što dazvoliła im vykraści ŭsie jaje hrošy.
Zaviedziena kryminalnaja sprava za kradziež šlacham madyfikacyi kampjutarnaj infarmacyi. Milicyja nahadvaje: nie pierachodzicie pa spasyłkach, jakija dasyłajuć nieznajomcy, i nie ŭstanaŭlivajcie dadatki na mabilny telefon pa prośbie trecich asob
U telefonnych ašukancaŭ źjaviłasia novaja chitraja schiema pa kradziažy hrošaj
Machlary zdajuć «rajski damok» pasiarod razaranaha pola pad Asipovičami. I mnohija viaducca