Лукашэнка падпісаў указ аб прызыве афіцэраў запасу
Прызыў планавы, які адбывае кожную вясну.
29.04.2024 / 14:41
У Беларусі афіцэраў запасу прызавуць на вайсковую службу. Сёння падпісаны ўказ №179 ад 29 красавіка «Аб прызыве афіцэраў запасу на вайсковую службу».
Ва Узброеныя сілы і органы пагранслужбы будуць прызваны хлопцы ва ўзросце да 27 гадоў, які прайшлі навучанне па праграмах падрыхтоўкі афіцэраў запасу на вайсковых кафедрах або факультэтах, маюць воінскае званне афіцэра і залічаны ў запас.
Прызыў такіх афіцэраў праводзіцца штогод. Як правіла, на службу прызываюць 100—200 чалавек.
Выкліканыя на зборы ваеннаабавязаныя пачалі вяртацца дахаты
23 красавіка пачнецца адпраўка прызыўнікоў у войска