Цэны на прадукты ў школьных сталовых Беларусі будуць лічыць па-новаму
Міністэрства антыманапольнага рэгулявання і гандлю Беларусі сваёй пастановай №30 ад 16 красавіка змяніла парадак фарміравання цэн на пакупныя спажывецкія тавары, якія рэалізуюцца па порцыях у школьных столовых.
29.04.2024 / 21:46
Фота ілюстрацыйнае
У адпаведнасці з дакументам, нацэнкі ў аб'ектах грамадскага харчавання па-ранейшаму не прымяняюцца пры продажы пакупных харчовых тавараў, якія не падвяргаюцца кулінарнай апрацоўцы, акрамя прадукцыі, якая прадаецца ў разліў і порцыямі.
Аднак цяпер нацэнак не будзе і для прадукцыі, якая выкарыстоўваецца для падрыхтоўкі напояў без тэрмічнай апрацоўкі (сокі, нектары, морсы, малако, кісламалочныя напоі).
Акрамя таго, была вызначаная лімітная максімальная нацэнка ў памеры 20% цэн на пакупныя спажывецкія тавары, якія рэалізуюцца порцыямі ў аб'ектах грамадскага харчавання.
Пастанова МАРГ была апублікаваная 27 красавіка і павінна ўступіць у сілу праз пяць дзён.
Рэцэпт мінскай шасцікласніцы ўвайшоў у меню сталічных школ у новай чвэрці
Ці ёсць у беларусаў свае пельмені?
«Укладаюся ў 2,5 рубля». Колькі грошай беларусы аддаюць на абеды ў сталоўках і кавярнях