Daradca prezidenta Litvy prapanavaŭ skaracić patoki biełarusaŭ, što pryjazdžajuć u krainu
Jak śćviardžaje daradca prezidenta Kiastucis Budrys, nieabchodna znajści pastanovy, jakija abmiažoŭvajuć płyń hramadzian Rasii i Biełarusi, jakija prybyvajuć u Litvu. Adnak heta nieabchodna zrabić, vyrazna vyłučyŭšy pradstaŭnikoŭ biełaruskaj apazicyi, piša Delfi.lt.
30.04.2024 / 12:23
Vilenski ŭniviersitet. Fota: «Naša Niva»
«Prezident [Naŭsieda] kaža, što dziejnaść, jakuju viaduć suprać nas biełaruskija słužby, dazvalajuć nam adnolkava aceńvać usich hramadzian zamiežnych krain — Rasii i Biełarusi — jakija pierasiakajuć miažu», — zajaviŭ Budrys u efiry radyjostancyi Žini rad radijas. «(Patoki nieabchodna) istotna abmiežavać i skaracić, bo ciapier jany zanadta vialikija. I toje, što kažuć naša raźviedka i kontrraźviedka, treba da hetaha pastavicca surjozna», — skazaŭ jon.
Pry pryniaćci rašeńniaŭ ab abmiežavańni patokaŭ z Rasii i Biełarusi nieabchodna vyłučyć pradstaŭnikoŭ biełaruskaj apazicyi.
«Nie čapać pytańni, jakija nichto nie stavić pad sumnieŭ — biełaruskuju apazicyju, ludziej, jakija ŭžo znachodziacca tut, u jakich užo jość časovy vid na žycharstva ŭ Litvie, jakija stvarajuć siemji. I pierastać zapałochvać ich ciažkimi nastupstvami ŭ metach palityčnaha manipulavańnia», — padkreśliŭ jon.
Na minułym tydni Siejm Litvy pryniaŭ rašeńnie ŭchvalić papraŭki da zakona, nakiravanyja na padaŭžeńnie nacyjanalnych sankcyj suprać hramadzian Rasii i Biełarusi jašče na hod i ŭzmacnieńnie žorstkaści nadhladu biełarusaŭ, jakija prybyvajuć u krainu. Adnak u chodzie pasiadžeńnia deputaty Siejma vyrašyli nie razhladać prapanovu kansiervatara Aŭdroniusa Ažubalisa pra pazbaŭleńnie hramadzian Rasii i Biełarusi vydavanaha im dazvołu ŭ na žycharstva ŭ vypadku, kali hetyja asoby vyjazdžajuć na radzimu čaściej za adzin raz na try miesiacy.
Choć hetaja prapanova była pradstaŭlena ŭ chodzie pasiadžeńnia, z-za adsutnaści kvorumu prapanova nie była pryniata da razhladu.
Litva pradoŭžyła sankcyi suprać hramadzian Biełarusi. Jość taksama novyja vizavyja abmiežavańni
Litva nie źbirajecca zakryvać jašče adzin punkt propusku na miažy ź Biełaruśsiu
Litva ŭručyła Biełarusi notu pratestu z nahody zajavaŭ Cierciela