U Łatvii siońnia zafiksavali ziemlatrus
Siońnia ŭ 11:40 pa miascovym časie na naziralnaj stancyi ŭ Ślitery (paŭnočny zachad Łatvii) była zarehistravana siejśmičnaja padzieja pa škale kala troch bałaŭ.
30.04.2024 / 15:40
Siejsmałahičny manitorynh u Łatvii ŭ asnoŭnym ažyćciaŭlajecca na stancyi u Ślitery, ale źviestki supastaŭlajucca taksama z anałahičnymi stancyjami ŭ Estonii, Litvie, Finlandyi, Polščy i Danii, piša Delfi.lv.
Karta krain Bałtyi i Biełarusi na łatvijskaj movie. Maps.google.com
«Zaraz jasna, što ziemlatrus, kali jon adbyŭsia, maje łakalny maštab, pakolki prykmiety jaho nazirajucca tolki na adnoj naziralnaj stancyi. Takim čynam, mierkavanaja mahnituda padziei, chutčej za ŭsio, nižej za 3 bały, što aznačaje, što budynki abo infrastruktura ŭ suviazi ź ziemlatrusam nie buduć paškodžanyja», — rastłumačyli ŭ Siejsmałahičnaj słužbie.
Vidavočcy ŭ sacsietkach pišuć, što ziemlatrus adčuvaŭsia taksama ŭ Lijepai i ŭ šerahu inšych miescaŭ u Kurziemie (h.zn. zachodniaja častka krainy)
U Łatvii ziemlatrusy nazirajucca redka, i, u asnoŭnym, małoha maštabu. Źviazanyja jany časta z čałaviečaj dziejnaściu — naprykład, z vajennymi vučeńniami.
Apošni naturalny ziemlatrus u Bałtyjskim rehijonie byŭ zafiksavany ŭ 2022 hodzie na poŭnačy Estonii z mahnitudaj 2,3 bała. Naturalnyja ziemlatrusy ŭ rehijonie vielmi redka pieravyšajuć try bały.