Магілёўская каардынатарка Статкевіча стукала на Пальчыса. А цяпер лезе ў Каардынацыйную раду
Гэта паведамленне ў базе зваротаў у КДБ, апублікаванай Кіберпартызанамі, знайшоў Альянс расследавальнікаў Беларусі.
01.05.2024 / 18:08
Фота са старонкі Вольгі Тышкевіч
Тэкст даносу ў КДБ да Эдуарда Пальчыса быў такім:
«У Магілёве па вул. Чкалава, 15 29 лістапада ў 19.00 будзе праходзіць ток-шоу з удзелам былога асуджанага Э.Пальчыса, які быў асуджаны за распальванне міжнацыянальнай варожасці. Шоу накіравана супраць Саюзнай дзяржавы і супрацоўніцтва з Расійскай Федэрацыяй. І носіць не дружалюбны характар. Прашу вас прыняць меры. З павагай грамадзянка РБ, Вольга».
Зварот падпісаны Вольгай Уладзіміраўнай Тышкевіч. Так завуць сябру партыі «БСДП Народная грамада», яна ўзначальвала магілёўскую філію. Яна ж цяпер абіраецца ў Каардынацыйную раду.
Цяпер Вольга жыве ў Вільні.
Расследавальнікі паспрабавалі звязацца з Вольгай і ўзяць яе каментар. Вольга адказала, што «не пісала нічога на Эдуарда Пальчыса, а яе камп'ютар быў у суседа, які ябацька.
У базе зваротаў у КДБ гэта не адзіны данос, напісаны пад імем Вольгі Тышкевіч. Першы быў зроблены ў тым жа годзе пяццю месяцамі раней.
Былы актывіст чарнасоценнага НОД сфатаграфаваўся з БЧБ-сцягам ФОТАФАКТ