Mahiloŭskaja kaardynatarka Statkieviča stukała na Palčysa. A ciapier lezie ŭ Kaardynacyjnuju radu
Heta paviedamleńnie ŭ bazie zvarotaŭ u KDB, apublikavanaj Kibierpartyzanami, znajšoŭ Aljans rasśledavalnikaŭ Biełarusi.
01.05.2024 / 18:08
Fota sa staronki Volhi Tyškievič
Tekst danosu ŭ KDB da Eduarda Palčysa byŭ takim:
«U Mahilovie pa vuł. Čkałava, 15 29 listapada ŭ 19.00 budzie prachodzić tok-šou z udziełam byłoha asudžanaha E.Palčysa, jaki byŭ asudžany za raspalvańnie mižnacyjanalnaj varožaści. Šou nakiravana suprać Sajuznaj dziaržavy i supracoŭnictva z Rasijskaj Fiederacyjaj. I nosić nie družalubny charaktar. Prašu vas pryniać miery. Z pavahaj hramadzianka RB, Volha».
Zvarot padpisany Volhaj Uładzimiraŭnaj Tyškievič. Tak zavuć siabru partyi «Narodnaja hramada», jana ŭznačalvała mahiloŭskuju filiju. Jana ž ciapier abirajecca ŭ Kaardynacyjnuju radu.
Ciapier Volha žyvie ŭ Vilni.
Rasśledavalniki pasprabavali źviazacca z Volhaj i ŭziać jaje kamientar. Volha adkazała, što «nie pisała ničoha na Eduarda Palčysa, a jaje kampjutar byŭ u susieda, jaki jabaćka.
U bazie zvarotaŭ u KDB heta nie adziny danos, napisany pad imiem Volhi Tyškievič. Pieršy byŭ zrobleny ŭ tym ža hodzie piaćciu miesiacami raniej.
Były aktyvist čarnasociennaha NOD sfatahrafavaŭsia z BČB-ściaham FOTAFAKT