U Rasii skončylisia aryhinalnyja zapčastki dla iPhone i Macbook
Pa słovach ekśpiertaŭ, ź jakimi pahavaryŭ žurnalist haziety «Viedomosti», u Rasii aficyjna spyniena absłuhoŭvańnie iPhone 14 i 15 sieryj, a zapčastki dla smartfonaŭ papiarednich pakaleńniaŭ pierastali pastaŭlać u śniežni 2023 hoda.
02.05.2024 / 13:46
Ilustracyjnaje fota
Jak śćviardžaje analityk ahienctva Mobile Research Group Eldar Murtazin, zaraz servisnyja centry zavoziać u Rasiju kitajskija zapčastki dla ramontu techniki Apple, a taksama raźbirajuć dla papraŭki staryja telefony.
U sietcy ReStore, jakaja pradaje techniku Apple u Rasii, zajavili, što servisnyja centry praciahvali zabiaśpiečvać harantyjny ramont techniki, nabytaj da lutaha 2022 hoda. Tak jak harantyja na iPhone i Macbook dziejničaje 2 hady, u lutym 2024 hoda jana skončyłasia dla ŭsich pryład, rastłumačyli ŭ kampanii.
«Ciapier hetyja ASC [aŭtaryzavanyja servisnyja centry] ničym nie adroźnivajucca ad namiotaŭ na Micinskim rynku», — zajaviła krynica vydańnia ŝ kampanii-vytvorcy elektroniki.