U Kyrhyzstanie hruzavik z marožanym najechaŭ na 29 dziaciej — žorstkaje VIDEA
Niaščaście zdaryłasia ŭ Džałał-Abadskaj vobłaści siońnia, 2 maja, na masavym mierapryjemstvie.
02.05.2024 / 15:28
Prykładna ŭ 13.30 mini-hruzavik z marožanym prataraniŭ natoŭp z 29 dziaciej. Dahetul kiroŭca pryparkavaŭ jaho, ale hruzavik źjechaŭ uniz.
Jak paviedamili ahienctvu «Kabar» u pres-słužbie Ministerstva achovy zdaroŭja Kyrhyzstana, uzrost paciarpiełych ad 9 da 16 hadoŭ.
U balnicu špitalizavanyja 7 dziaciej, jany znachodziacca ŭ reanimacyi, stan traich aceńvajecca jak ciažki. U Suzakskaj rajonnaj balnicy znachodziacca 3 dziaciej, špitalizavany 8 dziaciej. Ich stan aceńvajecca jak siaredniaj ciažkaści.
Na miescy nadzvyčajnaha zdareńnia była akazana dapamoha 11 dzieciam, ich adpravili na ambułatornaje lačeńnie.