Biełaruś trapiła ŭ top-10 pastaŭščykoŭ małaka i aleju ŭ Kitaj
Pa hetych pazicyjach pastaŭki letaś istotna vyraśli.
04.05.2024 / 12:59
Pa vynikach 2023 hoda Biełaruś akazałasia ŭ dziasiatcy asnoŭnych pastaŭščykoŭ alejna-tłuščavaj i małočnaj pradukcyi na kitajski rynak, paviedamlaje Myfin.
U 2023 hodzie Kitaj impartavaŭ 13,3 młn ton alejna-tłuščavaj pradukcyi na sumu $14,2 młrd.
U struktury impartu alejnatłuščavaj pradukcyi najbolšuju dolu zajmaŭ palmavaje alej. Siarod asnoŭnych impartavanych praduktaŭ taksama byli rapsavy i słaniečnikavy alej.
Jak paviedamlaje «Ahraekspart», u top-3 pastaŭščykoŭ alejna-tłuščavaj pradukcyi ŭ Kitaj u 2023 hodzie ŭvajšli Indaniezija, Rasija i Małajzija.
Biełaruś zaniała ŭ rejtynhu 7-je miesca. Pastaŭki z našaj krainy pavialičylisia ŭ 6,1 raza (+206,3 tys.ton) u naturalnym vyražeńni i ŭ 4,4 raza (+$219,3 młn) u vartasnym.
Pastaŭščyki alejna-tłuščavaj pradukcyi. Tablica Myfin
Što tyčycca małaka i małočnaj pradukcyi, to ŭ 2023 hodzie impart Kitaja skłaŭ 2,6 młn ton na sumu $7,4 młrd.
U struktury ŭvozu małočnaj pradukcyi najbolšuju dolu zajmała suchoje małako (39,7% vartasnaha impartu abo $2,9 młrd). Akramia taho, siarod asnoŭnych impartavanych praduktaŭ byli pitnoje małako i viarški, a taksama syry.
Najbujniejšym pastaŭščykom małaka i małočnaj pradukcyi na rynak KNR była Novaja Ziełandyja. Najbolšy pryrost u 2023 hodzie naziraŭsia ŭ pastaŭkach ź Biełarusi i Ispanii.
Biełaruś siarod pastaŭščykoŭ małočnaj pradukcyi ŭ Kitaj na 8-m miescy.
Pastaŭščyki małaka i małočnaj pradukcyi. Tablica Myfin
Raniej stała viadoma, što ŭ 2023 hodzie Biełaruś stała hałoŭnym pastaŭščykom miasa ŭ Rasiju.