«Pažadajem pieramohi ruskamu sałdatu». Duchoŭnik Łukašenki zapisaŭ urok da 9 Maja
Protaijerej Fiodar Poŭny praviadzie adziny ŭrok, pryśviečany Dniu Pieramohi. U škołach jon projdzie 7 i 8 maja.
04.05.2024 / 15:09
Urok Fiodara Poŭnaha. Skryn videa
«U videa protaijerej Fiodar Poŭny raskryvaje pryhažość duchoŭnaha podźvihu ŭ Vialikaj Ajčynnaj vajnie. Videamateryjał rekamiendavany dla praviadzieńnia aśvietnickich urokaŭ va ŭstanovach adukacyi», — piša Homielskaja jeparchija BPC.
Poŭny padtrymlivaje Rasiju ŭ vajnie va Ukrainie. Tamu i ŭ svaim «uroku» jon zyčyć pieramohi rasijskaj armii.
«Ruski sałdat, jak i tady, vajuje i za naš śviet. Za chramy, za svaich blizkich, za toje, što my ŭ sukupnaści nazyvajem Ajčynaj. Chłopcy dobraachvotna iduć na front, u syryja akopy, tamu što ŭ ich dziady i pradziedy adstajali svaju radzimu. (…) Davajcie pažadajem pieramohi», — pavučaje Poŭny.
Jon taksama raskazvaje pra Vialikdzień 1945 hoda. «Pa danych, jakija źbirali dla vynikovaj spravazdačy NKUS — spravazdačy, zaŭvažcie, pa linii NKUS — dla praviadzieńnia nabaženstvaŭ u krainie byli adkryty kala 10 tysiač chramaŭ», — kaža Poŭny.