Zatrymali biznesoŭca — za toje, što sihnaliŭ u padtrymku pratestaŭ i skandavaŭ na paŭmarafonie ŭ Maskvie «Žyvie Biełaruś!»
Hubazikaŭcy pahražajuć jamu niekalkimi hadami turmy.
04.05.2024 / 15:19
Ivan Savicki. Fota: jahonaj staronki «Ukantakcie»
Zatrymali minčuka Ivana Savickaha. Jamu 36 hadoŭ. Ivan skončyŭ spačatku Minski dziaržaŭny kaledž elektroniki (ciapier — ličbavych technałohij), a paśla Biełaruski dziaržaŭny ŭniviersitet infarmatyki i radyjoelektroniki.
Razam ź siabram jany majuć ułasnaje rekłamnaje ahienstva UnionMedia. Jano zajmajecca vonkavaj rekłamaj.
Ivan lubić aktyŭny adpačynak. Naprykład, biehaje paŭmarafony, katajecca na snoŭbordzie, spłaŭlajecca na bajdarkach.
Imavierna, jaho zatrymali 2 maja. Praź dzień jaho asudzili ŭ sudzie Frunzienskaha rajona Minska za «drobnaje chulihanstva», adzin z samych častych palityčnych artykułaŭ.
Vinavaciać jaho ŭ tym, što jon na ŭłasnym aŭto jeździŭ uzdoŭž daroh i sihnaliŭ u padtrymku pratestaŭ i ŭklučaŭ «pratestnuju» muzyku. Taksama padčas udziełu ŭ paŭmarafonie ŭ Maskvie jon skandziravaŭ «Žyvie Biełaruś» i namalavaŭ hety łozunh na listku papiery, a fota adtul źmiaściŭ u sacsietkach.
Siłaviki padkreślivajuć, što Ivan užo mieŭ sudzimaść. Ci zaviali suprać jaho kryminalnuju spravu ciapier — nieviadoma.
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd