У Белгарадскай вобласці шэсць чалавек загінулі ў аўтобусе пры атацы беспілотніка
Атацы падвергліся «Газэлі» з супрацоўнікамі аднаго з найбуйнейшых вытворцаў свініны ў Расіі, шасцёра чалавек загінулі. Яшчэ 35 пацярпелі, сярод іх двое дзяцей, аднаго мужчыну ў цяжкім стане аперуюць, піша РБК.
06.05.2024 / 09:49
Фота: Mash
У Белгародскай вобласці дроны атакавалі аўтамабілі ГК «Агра-Белгор'е», якія перавозілі супрацоўнікаў свінакомплексу, паведаміў рэгіянальны аперштаб. У выніку пацярпелі больш за 30 чалавек, 6 — загінулі.
«Агра-Белагор'е» уваходзіць у лік вядучых вытворцаў свініны ў Расіі, гэта адна з найбуйнейшых па колькасці супрацоўнікаў кампанія ў рэгіёне, усяго ў ёй працуюць прыкладна 9 тыс.чалавек, Уся вытворчасць знаходзіцца ў Белгародскай вобласці.
Атацы падвергліся дзве «Газэлі», яны везлі супрацоўнікаў на прадпрыемства, гэта адбылося каля вёскі Бярозаўка, удакладніў губернатар Вячаслаў Гладкоў.
Паводле яго звестак, параненыя 35 чалавек, сярод іх двое дзяцей з павярхоўнымі траўмамі. Цяпер дактары аперуюць мужчыну з пранікальным раненнем брушной поласці, яго стан ацэньваюць як цяжкі. Астатнія атрымалі аскепкавыя раненні рознай ступені цяжкасці, іх даставілі ў мясцовыя бальніцы.