«Absalutna šakujučy vypadak». Kiraŭnik MZS Polščy prakamientavaŭ namier polskaha sudździ prasić palityčny prytułak u Biełarusi
Kiraŭnik MZS Polščy Radasłaŭ Sikorski zajaviŭ, što šakavany infarmacyjaj pra namier polskaha sudździ Tomaša Šmita prasić palityčny prytułak u Biełarusi.
06.05.2024 / 14:02
Ministr zamiežnych spraŭ Polščy Radasłaŭ Sikorski. Fota: Maxym Marusenko / NurPhoto via Getty Images
— Ja nie mahu heta kamientavać. Heta absalutna šakujučy vypadak, — skazaŭ Radasłaŭ Sikorski pra situacyju z Tomašam Šmitam.
Kiraŭnik polskaj dypłamatyi pryznaŭsia, što pakul mała viedaje pra spravu, bo daviedaŭsia pra jaje padčas razmovy z žurnalistami.
— Ja ŭ šoku, kali ščyra. U nas niekali ŭžo byŭ zdradnik, i, zdajecca, heta padobny vypadak, — dadaŭ jon
Siońnia polski sudździa Tomaš Šmit abviaściŭ, što prosić abarony ŭ biełaruskich uładaŭ.
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh