Zavočna buduć sudzić 24-hadovuju ŭradženku Žłobina
Śledčy kamitet raspačaŭ śpiecvytvorčaść u dačynieńni da Aliny Halinskaj — jaje źbirajucca sudzić zavočna.
06.05.2024 / 15:23
24-hadovaj dziaŭčynie inkryminavanaja č. 1 art. 130 KK (Raspalvańnie varožaści). Jaje zaprašajuć viarnucca ŭ Biełaruś i pryjści ŭ Žłobinski rajonny adździeł SK.
Alinu Halinskuju zatrymlivali ŭ krasaviku 2023-ha hoda padčas masavaha «chapunu» na Homielščynie. Na videa jana kazała, što niekali była padpisanaja na «ekstremisckija» kanały i pakidała tam kamientary, piša «Viasna».