Zialenski pastaviŭ Pucina ŭ adzin šerah z Hitleram
U sacsietkach prezidenta Ukrainy było apublikavana videa z nahody Dnia Jeŭropy, jaki adznačajecca va Ukrainie i na kantyniencie siońnia, 9 maja. U tekście Zialenski zhadaŭ prezidenta RF Uładzimira Pucina ŭ adnym šerahu z Adolfam Hitleram.
09.05.2024 / 13:09
Uładzimir Pucin. Fota: Sergey Guneyev, Sputnik, Kremlin Pool Photo via AP, File
Zialenski zajaviŭ, što siła Jeŭropy — u jadnańni «nacyj, supolnaściaŭ i miljonaŭ vielmi roznych ludziej, jadnańni kaštoŭnaściaŭ».
«Usie razam my pavinny i nadalej pamnažać hetuju siłu, kłapociačysia ab abaronie žyćcia i ahulnych kaštoŭnaściaŭ na našym kantyniencie. Rabić usio, kab pieradać dzieciam u spadčynu ŭsiu našu Jeŭropu — mirnuju, abjadnanuju, tuju, u jakoj sapraŭdy chočacca žyć i jakuju nie złamać ni Hitleru, ni Pucinu… Jany zdolnyja vykraści ŭ Jeŭropy hady miru, ale nie naš ahulny los — los tych, chto pieramahaje zło, abaraniaje žyćcio i šanuje mir», — havorycca ŭ dopisie prezidenta Ukrainy.