Pierakładčyca Volha Kałackaja na svabodzie
Niekalki dzion tamu roznyja ŚMI paviedamlali pra jaje zatrymańnie.
12.05.2024 / 16:30
Volha Kałackaja ŭ 2021 hodzie. Fota: Naša Niva
Jak stała viadoma «Našaj Nivie», pierakładčyca Volha Kałackaja znachodzicca na voli.
Niekalki dzion tamu ŭ roznych miedyja źjaviłasia infarmacyja, što jana była zatrymanaja, a doma ŭ jaje prajšoŭ pieratrus.
Kałackaja ŭžo była palitźniavolenaj — u pačatku 2021 hodzie jaje źmiaścili ŭ SIZA na dva miesiacy za toje, što dała poŭchu supracoŭniku telekanała STB Ryhoru Azaronku.
Niahledziačy na toje, što Azaronak nie mieŭ pretenzij da Kałackaj, 24 sakavika 2021 hoda ŭ sudzie Frunzienskaha rajona joj prysudzili dva hady chatniaj chimii.
Volha Kałackaja pierakłała na biełaruskuju movu dziasiatki filmaŭ, sieryjałaŭ i knih, u tym liku tvory Virdžynii Vułf, Teniesi Uiljamsa, Uiljama Hołdynha, Poła Ostera, Toni Parsanza, Artura Hołdena, filmy «Hładyjatar», «Šrek», «Siamiejka Śmitaŭ» dy inšyja.