Biełarusy sioleta ŭziali ŭdvaja bolej kredytaŭ
Kredyty ŭ Biełarusi stali bolš dastupnyja - ich košt u studzieni-lipieni 2006 hoda źmienšany bolš jak na 5 pracentaŭ u paraŭnańni z adpaviednym pieryjadam minułaha hoda.
22.08.2006 / 21:22
Kredyty ŭ Biełarusi stali bolš dastupnyja - ich košt u studzieni-lipieni 2006 hoda źmienšany bolš jak na 5 pracentaŭ u paraŭnańni z adpaviednym pieryjadam minułaha hoda. Ab hetym prezidentu Biełarusi Alaksandru Łukašenku dałažyŭ siońnia staršynia praŭleńnia Nacyjanalnaha banka Piotr Prakapovič, paviedamili BIEŁTA u pres-słužbie kiraŭnika dziaržavy.
Pravodziačy pracentnuju palityku, Nacyjanalny bank, z adnaho boku, stymuluje pryciahnieńnie srodkaŭ nasielnictva i pradpryjemstvaŭ u banki. Z druhoha boku, pravodzicca rabota pa pastajannamu źnižeńniu stavak pa kredytach. Paćviardžeńniem efiektyŭnaści takoj palityki źjaŭlajecca pavieličeńnie ŭkładaŭ nasielnictva (na 25 pracentaŭ za 7 miesiacaŭ u paraŭnańni z anałahičnym pieryjadam 2005 hoda). U toj ža čas raście i kolkaść vydavajemych kredytaŭ (bolš jak u 2 razy na spažyvieckija patreby i ŭ 1,7 raza - na budaŭnictva žylla).
Kiraŭnik dziaržavy prainfarmavany, što płaciežnaja sistema ŭ krainie pracuje stabilna, bieź pierabojaŭ. Abjom płaciažoŭ za spravazdačny pieryjad pavialičyŭsia amal na 40 pracentaŭ. Heta ŭskosna śviedčyć ab roście ekanomiki Biełarusi, paviedamiŭ Piotr Prakapovič.
Staršynia praŭleńnia Nacbanka padkreśliŭ, što ŭ krainie zabiaśpiečana stabilnaść jak u hrašova-kredytnaj, tak i ŭ finansavaj śfiery. Jon vykazaŭ pierakananaść, što da kanca biahučaha hoda buduć vykanany ŭsie pakazčyki Asnoŭnych napramkaŭ hrašova-kredytnaj palityki Biełarusi na 2006 hod.