Žančyna z Astraŭca vystaviła ŭ sacsietki fota kachanki muža — sprava dajšła da suda
U podpisie da fota žonka raspaviała ŭsim siabram, što ŭ jaje muža adnosiny ź inšaj žančynaj.
13.05.2024 / 19:21
A hetym jana raspaŭsiudziła piersanalnyja dadzienyja i parušyła zakon «Ab abaronie piersanalnych dadzienych». Sprava dajšła da suda, piša «Hrodna Łajf».
Žančyna pracuje staršym inśpiektaram prafiłaktyki Astravieckaha rajonnaha adździeła pa nadzvyčajnych situacyjach. Jana raskazała, što chacieła adpravić fota baćku kachanki. Vinu nie pryznała.
Kachanka taksama vystapiła ŭ sudzie. Jana raskazała, što jaje adnosiny z žanatym mužčynam doŭžylisia dva hady. Jana viedała pra žonku i dvaich dziaciej, ale ličyła svaje adnosiny surjoznymi.
Spravu razhledzieli 18 krasavika ŭ sudzie Astravieckaha rajona. Sudździa vyrašyŭ spynić spravu za adsutnaściu pravaparušeńnia.