U Mumbai hihancki rekłamny ščyt upaŭ na natoŭp — jość zahinułyja VIDEA
Kanstrukcyja nie vytrymała piasčanaj bury.
13.05.2024 / 22:37
U indyjskim Mumbai vielizarny rekłamny ščyt upaŭ na zapraŭku, na jakoj u toj momant znachodziłasia sotnia čałaviek.
Horad nakryła mahutnaja piasčanaja bura ź liŭniem i navalnicaj. Kanstrukcyja, ustanoŭlenaja kala adnoj z zapravak, nie vytrymała. Ščyt upaŭ na budynak zapraŭki i pryparkavanyja pobač aŭtamabili.
Pavodle apošnich źviestak India TV, zahinuli jak minimum 8 čałaviek, 69 atrymali ranieńni. Pieršapačatkova paviedamlałasia, što pad zavałami mohuć znachodzicca 100 čałaviek.
Municypalitet źbirajecca padać u sud na rekłamnuju kampaniju, jakaja ŭstanaviła ščyt. Miascovyja ŭłady rasśledujuć incydent.