У Беларусі пройдуць яшчэ адны вучэнні тэрабароны
Збор ваеннаабавязаных тэрытарыяльнай абароны пройдзе з 16 мая па 7 чэрвеня ў Рэчыцкім раёне. Трэніравацца будуць тры тыдні.
16.05.2024 / 21:25
Ілюстрацыйнае фота: Мінабароны
У ходзе збору плануюць адпрацаваць прыём ваеннаабавязаных тэрабароны і іх усебаковае забеспячэнне, аднавіць навыкі каманднага складу ў кіраванні падначаленымі, падрыхтаваць ваеннаабавязаных да выканання задач у адпаведнасці з вайскова-ўліковымі спецыяльнасцямі і службовым прызначэннем, паведамляе Мінабароны.
Таксама плануюць адпрацаваць пытанні фарміравання, падрыхтоўкі і прымянення атрада народнага апалчэння.
Як заяўляецца, збор дасць магчымасць павысіць навыкі службовых асоб выканаўчых камітэтаў у пытаннях фарміравання тэрытарыяльных войскаў, а ваеннаабавязаных — у выкананні задач па прызначэнні.
У Магілёўскай вобласці пачаўся навучальны збор з тэрабаронай. Ён будзе доўжыцца да канца месяца
Брэсцкая вобласць актыўна закупляе бронекамізэлькі — выдаткавалі больш за 2 мільёны рублёў
У Рагачове пенсіянеры з аўтаматамі занялі паліклініку