Мінск і Баку сталі гарадамі-пабрацімамі. У Гродна і Гомеля таксама з'явіліся партнёры ў Азербайджане
Мемарандумы падпісалі Лукашэнка і Ільхам Аліеў.
16.05.2024 / 22:23
Баку. Фота: БелТА
Мінск усталяваў пабрацімскія сувязі з Баку. Адпаведны мемарандум падпісалі ў сталіцы Азербайджана Аляксандр Лукашэнка і Ільхам Аліеў. Аналагічныя партнёры ў Азербайджане з'явіліся ў Гродна і Гомеля — яны ўсталявалі сувязі з азербайджанскімі гарадамі Гянджа і Габала, паведамляе БелТА.
Асаблівая ўвага, як дэкларуецца, будзе надавацца рэалізацыі сумесных праектаў у галіне эканомікі, гарадскога планавання, мясцовага самакіравання, транспартнай і дарожнай інфраструктуры, жыллёвай гаспадаркі, навукі, адукацыі, культуры, захавання гісторыка-культурнай спадчыны, горадабудаўніцтва, аховы здароўя, аховы навакольнага асяроддзя, спорту і турызму.
Акрамя таго, плануецца пашырэнне супрацоўніцтва паміж прамысловымі прадпрыемствамі і дзяржаўнымі арганізацыямі.
Лукашэнка хоча забудаваць Нагорны Карабах аграгарадкамі
Францыя абвінавачвае Азербайджан у беспарадках у Новай Каледоніі