Stan premjera Słavakii zastajecca ciažkim
Miedyki robiać usio mahčymaje dla stabilizacyi stanu Robierta Ficy.
16.05.2024 / 15:31
Ministr abarony Słavakii Robiert Kaliniak zajaviŭ, što stan premjer-ministra krainy Robierta Fica, na jakoha ŭ sieradu byŭ ździejśnieny zamach, zastajecca ciažkim. Miedyki robiać usio mahčymaje dla stabilizacyi stanu Robierta Ficy, piša Bi-bi-si.
«Na žal, my pakul nie možam skazać, što pieramahajem, tamu što maštab ran, vyklikanych čatyrma kulami, vielmi vialiki», — skazaŭ Kaliniak.
Uviečary ŭ sieradu paviedamlałasia, što 59-hadovaha Fica apieryravali bolš za try hadziny, jon znachodzicca ŭ krytyčnym stanie, i lekary zmahajucca za jaho žyćcio.
Zamach na Robierta Fica adbyŭsia ŭ sieradu dniom u horadzie Handłava paśla vyjaznoha pasiadžeńnia ŭrada. Kali premjer padyšoŭ da miascovych žycharoŭ, 71-hadovy streliŭ u jaho niekalki razoŭ.
Pieršapačatkova ŭłady nie nazyvali imia padazravanaha, adnak miascovyja ŚMI na praciahu dnia vyśvietlili, što tym, chto stralaŭ, moh być miascovy 71-hadovy litaratar i palityčny aktyvist Juraj Cintuła.
Zamach na premjera Słavakii — jaho stan vielmi ciažki
«Roba, idzi siudy». Premjera Słavakii buduć terminova apieravać paśla zamachu
Stała viadoma, chto stralaŭ u słavackaha premjera Fica
Premjeru Słavakii paśla zamachu zrabili paśpiachovuju apieracyju