Łukašenka choča zabudavać Nahorny Karabach ahraharadkami
Takuju prapanovu jon vykazaŭ padčas pieramovaŭ z prezidentam Azierbajdžana Ilchamam Alijevym.
16.05.2024 / 16:40
Fota: pres-słužba Łukašenki
Alaksandr Łukašenka vykazaŭ žadańnie ŭdzielničać u paślavajennym adnaŭleńni Nahornaha Karabacha.
Padčas pieramoŭ z prezidentam Azierbajdžana Ilchamam Alijevym palityk zajaviŭ, što Biełaruś, maŭlaŭ, moža dać Azierbajdžanu asobnyja technałohii, a taksama moža dapamahčy ŭ budaŭnictvie, paviedamlaje pres-słužba Łukašenki.
«Kali my ŭ čymści možam dapamahčy, udzielničać u hetym… Pamočnikaŭ u vas tut zaraz chapaje, ale kali my možam na siabroŭskich pačatkach udzielničać u hetym… Technika, ahraharadki, pracoŭnyja miescy, peŭnyja technałohii (vašy śpiecyjalisty, ministry dobra viedajuć hetyja technałohii) — kali jany padychodziać, kali naša technika moža tut prysutničać i pracavać…» — zajaviŭ Łukašenka.
Pry hetym viartańnie Nahornaha Karabacha Łukašenka nazvaŭ «vialikaj spravaj, jakaja zastaniecca ŭ stahodździach».
Prezident Nahornaha Karabacha padpisaŭ ukaz ab spynieńni isnavańnia respubliki