Z 1 lipienia stanuć tańniejšymi pasłuhi stamatołahaŭ
Ministerstva achovy zdaroŭja Biełarusi źmianiła z 1 lipienia 2024 hoda normy času i raschodu materyjałaŭ na płatnyja miedpasłuhi pa stamatałohii. Heta praduhledžana adpaviednaj pastanovaj, paviedamlajecca na Nacyjanalnym pravavym internet-partale.
16.05.2024 / 23:07
Fota ilustracyjnaje
Dakumient tyčycca taryfaŭ na płatnyja stamatałahičnyja pasłuhi, jakija akazvajuć jurydyčnyja asoby niezaležna ad ich formy ŭłasnaści i padparadkavanaści, a taksama indyvidualnyja pradprymalniki. U pryvatnaści, «aptymizavana» 169 najmieńniaŭ pasłuh i normy raschodu materyjałaŭ u 37 pazicyjach.
U Ministerstvie achovy zdaroŭja adznačyli, što hetaja pastanova budzie sadziejničać źnižeńniu koštu płatnych stamatałahičnych pasłuh.
Taksama skazana, što pastanova Ministerstva achovy zdaroŭja ad 7 lipienia 2023 hoda №109 «Ab normach času i raschodu materyjałaŭ na płatnyja miedycynskija pasłuhi pa stamatałohii» pryznajecca straciŭšaj siłu.
Minskija padatkaviki anansavali maštabnuju pravierku pryvatnych stamatałohij
Pryvatnaja stamatałohija raptoŭna paviedamiła, što z 1 krasavika prypyniaje pryjom klijentaŭ