Ivan Kraŭcoŭ suprać raspadu Rasii: Budzie horš, budzie chaos
Svoj pohlad na mahčymaść razvału «starejšaha brata» vykanaŭčy sakratar Kaardynacyjnaj rady vykazaŭ u efiry «Radyjo Racyja».
17.05.2024 / 09:48
Fota: Dmitry Lovetsky / AP
Adkazvajučy na pytańnie, ci budzie jon radavacca razvału Rasii, Kraŭcoŭ zaŭvažyŭ, što ludzi, jakija čakajuć hetaha, drenna razumiejuć nastupstvy. Pry hetym jon pryznaje mahčymaść takoha scenaryju.
«Budzie horš. Meta stratehičnaja — kab u Rasii taksama adbylisia pieramieny ŭ lepšy bok. Nakolki heta mahčyma — heta inšaje pytańnie. Sacyjalny profil tam adroźnivajecca ad Biełarusi — ludzi i kaštoŭnaści inšyja. Ale z hetym treba pracavać, a nie źniščać. Tamu što budzie chaos. I heta drenna paŭpłyvaje na ŭvieś rehijon i zakranie Biełaruś. Nie atramajecca ad hetaha adharadzicca ścianoj. Heta budzie pastajanna na nas pieralivacca», — ličyć Kraŭcoŭ.
Ivan Kraŭcoŭ. Skryn videa Racyja_Belarus / YouTube
Palityk zaŭvažaje, što ŭ paraŭnańni z Polščaj, jakaja «za dvaccać hadoŭ u Jeŭraźviazie pabudavała płot, adharadziłasia», «my zaŭsiody budziem dahaniajučymi». A tamu, maŭlaŭ, razvał Rasii drenna adabjecca na Biełarusi.
Kraŭcoŭ pryznaje, što ŭ niejkim taktyčnym momancie heta budzie dobra, ale stratehična — drenna.
Ivanu Kraŭcovu prysudzili 11 hadoŭ źniavoleńnia zavočna
Kraŭcoŭ parazvažaŭ pra rezanansnyja słovy Babaryki ŭ 2020-m i anansavaŭ svaju knihu
Ivan Kraŭcoŭ raspavioŭ pra los svajho baćki — bujnoha bankira, jakoha aryštavali