U Mahilovie kiraŭnictvu siłavikoŭ i hubiernataram pakazali abaronu aeraporta horada FOTY
Pakaz taktyčnaha epizodu staŭ adnym ź mierapryjemstvaŭ štohadovaha zboru dla čynoŭnikaŭ.
17.05.2024 / 15:43
Staršyniam abłasnych vykankamaŭ i harvykankama Minska, a taksama kamisaram rehijonaŭ pakazali abaronu aeraporta Mahilova. Pakaz taktyčnaha epizodu staŭ adnym ź mierapryjemstvaŭ štohadovaha zboru dla čynoŭnikaŭ, paviedamlaje Minabarony.
Čynoŭnikaŭ instruktavali kiraŭniki MUS, Minabarony, kamandavańnie Uzbrojenych sił i ŭnutranych vojskaŭ, kiraŭnictva Rady biaśpieki. Na placoŭcy Mahiloŭskaha aeraporta byli pakazany bieśpiłotniki, robaty, inžyniernaja i vajennaja technika.
U zaviaršeńni čynoŭnikam pakazali, jak buduć abaraniać aeraport Mahilova.
Adnačasna ministr abarony Viktar Chrenin adkryŭ zborny punkt vajennaha kamisaryjata Mahiloŭskaj vobłaści. Tut čynoŭnikam pakazali mietodyku padrychtoŭki kamandziraŭ atradaŭ narodnaha apałčeńnia i ich namieśnikaŭ, a taksama dziejańni apałčencaŭ pa praduchileńni i spynieńni pravaparušeńniaŭ.