Znajšli cieła Šani Łuk, jakaja zahinuła ad ruk terarystaŭ CHAMAS
Izrailskija vajskoŭcy znajšli cieła zakładnicy Šani Łuk, vykradzienaj terarystami CHAMAS 7 kastryčnika. Fota hetaj hramadzianki Hiermanii i Izraila ŭ tyja dni ablacieła śviet, a jaje historyja stała šyrokaviadomaj.
17.05.2024 / 19:49
Akramia cieła Šani Łuk, izrailskija bajcy znajšli trupy jašče dvuch zakładnikaŭ — Icchaka Hielerntera i Amita Buskiły.
Infarmacyja pra miescaznachodžańnie ciełaŭ była atrymanaja śledstvam padčas dopytaŭ terarystaŭ, zatrymanych u siektary Haza, a taksama raźvieddanych štaba pa pošuku zakładnikaŭ i źnikłych bieź viestak pry raźviedvalnym upraŭleńni CACHAŁa.
Šani Łuk — 23-hadovaja hramadzianka Hiermanii i Izraila. 7 kastryčnika 2023 hoda jaje schapili terarysty padčas napadu na muzyčny fiestyval, jaki prachodziŭ u Izraili kala miažy ź siektaram Haza.
Prezident Izraila paćvierdziŭ hibiel 22-hadovaj Šani Łuk i raskazaŭ niekatoryja padrabiaznaści
Baćki Šani Łuk, čyjo fota ablacieła śviet, paviedamili, što dziaŭčyna pamierła