Самым высокааплатным спартсменам у свеце прызналі Крышціяну Раналду — зарабляе $5 мільёнаў штотыдзень
Часопіс Forbes апублікаваў свежы рэйтынг.
18.05.2024 / 10:14
Крышціяну Раналду. Фота YASSER BAKHSH/GETTY IMAGES
39-гадовы футбаліст саудаўскага «Аль‑Насра» і зборнай Партугаліі Крышціяну Раналду за год зарабіў за год $260 мільёнаў, з якіх $200 мільёнаў склала яго зарплата, а $60 мільёнаў — даходы ад рэкламных кантрактаў.
Другім стаў 29-гадовы іспанскі гальфіст Джон Рам з прыбыткам $218 мільёнаў. На трэцім месцы футбаліст «інтэр Маямі» Ліянэль Месі ($135 мільёнаў).
У топ‑10 таксама ўвайшлі:
4. Леброн Джэймс (баскетбол, «Лос-Анджэлес Лейкерс») — $128,2 мільёна.
5. Яніс Адэтакунба (баскетбол, «Мілуокі Бакс») — $111 мільёнаў.
6. Кіліян Мбапэ (футбол, «ПСЖ») — $110 мільёнаў.
7. Неймар (футбол, «Аль‑Хіляль») — $108 мільёнаў.
8. Карым Бензема (футбол, «Аль‑Ітыхад») — $106 мільёнаў.
9. Стэфэн Кары (баскетбол, «Голдэн Стэйт Уорыярз») — $102 мільёны.
10. Ламар Джэксан (амерыканскі футбол, «Балтымор») — $100,5 мільёна.