U Mastach demantujuć samy vialiki padviesny most Biełarusi — jaho daŭžynia amal 200 mietraŭ
Pabudavać novy most źbirajucca da abłasnych Dažynak.
18.05.2024 / 14:42
U Mastach pačynajuć abnaŭlać samy doŭhi padviesny most Biełarusi — 192,8 mietra, piša miascovaja «Zara». U ciapierašnim vyhladzie jon isnuje z 1995 hoda i byŭ pabudavany na bazie staroha masta.
Papiaredni płan pracaŭ taki: advajavać u Niomana častku rečyšča raki pad mostam, zrabić padsypku hruntam i tam raźmiaścić techniku.
Paśla hetaha most budzie demantavany i pabudavany nanoŭ.
Budaŭniki kažuć, što novy most budzie vielmi padobny da ciapierašniaha. Uźvieści jaho płanujuć da abłasnych Dažynak u Mastach.