У мінскім дэльфінарыі дэльфін падчас шоу вылецеў за край басейна ў глядзельную залу
У мінскім дэльфінарыі адна з жывёлін падчас прадстаўлення апынулася за межамі басейна з вадой. Відэа ляжачага дэльфіна з'явілася ў тыктоку, дзе набрала больш за 20 млн праглядаў, заўважыла «Люстэрка».
18.05.2024 / 16:06
Дэльфін, які выпаў з вады ў мінскім дэльфінарыі. Фота: TikTok / blrdriver
У роліку, які апублікаваў блогер з нікам blrdriver, відаць, што дэльфін, які выскачыў з вады, спачатку бездапаможна ляжыць каля краю басейна.
Пазней да яго падыходзяць, мяркуючы па ўсім, работнікі дэльфінарыя. Адзін з іх прыносіць спецыяльнае прыстасаванне — яго падкладаюць пад жывёліну. З дапамогай такіх «насілак» дэльфіна паднялі і вярнулі ў ваду. Пакуль іх суродзіча ратавалі, за дзеяннямі людзей з вады назіралі яшчэ тры дэльфіны.
Відэа ў выніку сабрала звыш 20 мільёнаў праглядаў, сотні тысяч лайкаў і тысячы каментароў — не толькі беларусаў, але і іншаземцаў. Самы папулярны водгук: «Такое суровае жыццё для такіх выдатных стварэнняў» (Such a cruel life for such beautiful creatures).
Увогуле такія здарэнні з дэльфінамі час ад часу здараюцца. Так, у сакавіку 2023 года падобнае адбылося ў мінскім дэльфінарыі «Нема». Дэльфін тады, відаць, атрымаў траўму — відавочцы паведамлялі, што бачылі кроў.
Дэльфіны таксама сюсюкаюць пры размове са сваімі малымі
Навукоўцы вучаць марскіх львоў гуляць у відэагульні
У мінскім дэльфінарыі падчас прадстаўлення дэльфін выскачыў з басейна ВІДЭА
Тое, якую жывёлу вы тут бачыце, паказвае, які вы чалавек