Па НПЗ у Краснадарскім краі прыляцелі адразу шэсць дронаў
Яшчэ адзін беспілотнік упаў у станіцы Кушчаўская — пачалося ўзгаранне.
19.05.2024 / 10:36
У ноч на 19 мая на тэрыторыю НПЗ у Славянску-на-Кубані ўпалі шэсць беспілотнікаў, паведаміла адміністрацыя горада. Паводле папярэдніх звестак, пацярпелых і разбурэнняў няма, пішуць расійскія СМІ.
«Таксама зафіксаваны адзін выбух у раёне старых могілак, адзін выбух у Трудабелікаўскім», — гаворыцца ў паведамленні.
Яшчэ адзін беспілотнік упаў у станіцы Кушчаўская — пачалося ўзгаранне.На месцах працуюць аператыўныя і спецыяльныя службы.