Viertalot, na jakim lacieŭ prezident Irana, trapiŭ u avaryju
Viertalot Mi-171, na borcie jakoha lacieŭ prezident Irana Ibrachim Raisi, trapiŭ u avaryju va ŭschodnim Azierbajdžanie. Pryčynaj staŭ tuman.
19.05.2024 / 16:15
Ibrachim Raisi. Ilustracyjnaje fota: AP Photo/Eranga Jayawardena
Incydent zdaryŭsia kala horada Džulfy, što za 600 km ad iranskaj stalicy Tehierana, paviedamlajuć iranskija ŚMI.
Viertalot 63-hadovaha prezidenta Irana supravadžali dva słužbovyja. Paśla žorstkaha pryziamleńnia ekipaž źviazaŭsia z centram i vyklikaŭ dapamohu. Vyratavalniki sprabujuć dabracca da miesca avaryi.
Niezadoŭha da krušeńnia Raisi sustrakaŭsia z prezidentam Azierbajdžana Ilchamam Alijevym na miažy krainy. Tam prachodziła ŭračystaja cyrymonija adkryćcia novych hidravuzłoŭ «Chudafieryn» i «Hyz-Hałasy» na race Araz.