«Хачу Porsche, але бацькі падарылі Geely». На якіх машынах беларускія студэнты прыязджаюць у ВНУ?
Каманда праекта West Motors вырашыла паглядзець, на чым прыязджаюць на вучобу беларускія студэнты. І для гэтага адправілася на паркоўку каля Інстытута бізнэсу БДУ.
19.05.2024 / 18:48
Скрыншоты відэа ў тыктоку
Першы хлопец адказаў, што карыстаецца машынай кожны дзень — і гэта электрычная Opel Ampera.
— Вельмі зручаная насамрэч. Няма паломак, усё выдатна.
Наступная дзяўчына з'явілася каля ВНУ на Belgee X50. Дарэчы, нядаўна «Наша Ніва» паведамляла, што гэта адзіная айчынная мадэль, на якую захавалася чарга. Каб набыць такі красовер, трэба пачакаць паўтара-тры месяцы. У стандартнай камплектацыі ён новы каштуе 66 тысяч рублёў.
Стылёвая кіроўца прызналася, што ёй машыну набылі бацькі. Але ўдакладняе: калі б хапіла грошай, дык выбрала б Porsche 911. Гэта мадэль, канешне, у разы даражэйшая — у афіцыйным салоне цана на Porsche 911 пачынаецца амаль са 156 тысяч еўра.
Яшчэ адзін студэнт сказаў, што ехаў на таксі эканом-класу, але падкрэсліў, што звычайна выклікае бізнэс. Хлопец распавёў, што пакуль пасведчання кіроўцы ў яго няма, але ў будучым ён плануе атрымаць. На пытанне, якую б машыну хацелася потым набыць, студэнт паціскае плячыма:
— Якую бацькі падораць.
— То-бок, разлічваеце, што бацькі больш дапамогуць? А сам зарабі на сваю першую машыну, як пацан — вось гэта вось?..
— Нууу… Таксама будзе.
Наступны студэнт відавочна не без гонару прадэманстраваў свой Mercedes-Benz:
— R251, чысты «немец». Са Штутгарта, 2008 год выпуску. Набыў амаль што сам — тата толькі крыху дапамог. За месяц на машыну трачу больш за тысячу беларускіх дакладна, не ўлічваючы нейкіх няпланавых паломак.
А вось хлопец на Opel Insignia трымаўся сціпла.
— Па функцыяналу задавальняе, па памерах нізкаватая.
Пытанне, ці сам ён набыў аўто, здаецца, трошкі здзівіла рэспандэнта:
— Не. Канешне, бацькі дапамаглі.
Старыя аўто ў Беларусі часам каштуюць у 4 разы даражэй, чым у Літве
Канфіскаваны на мяжы 48-гадовы легендарны Chevrolet Corvette прадалі з аўкцыёну за немалыя грошы