Apieratara ANT aryštavali za palityku. Pryčynaj mahli stać kamientary ŭ telehramie, jakija jon daŭno vydaliŭ
38-hadovaha Antona Kazielskaha doma čakajuć žonka i dzicia.
20.05.2024 / 15:49
Anton Kazielski. Fota ź jaho sacsietak
Aryštavany kličuć Anton Kazielski. Miarkujučy pa sacsietkach, mužčynie 38 hadoŭ. Viadoma, što niejki čas jon žyŭ u Rasii, ale apošnim časam — u Minsku. U mužčyny jość žonka i dzicia.
Kazielski doŭhi čas pracavaŭ apierataram na ANT. Naprykład, jašče ŭ listapadzie 2022-ha jon vučyŭ Departamient achovy MUS pracavać ź dziaržSMI. Apošni repartaž Kazielskaha vyjšaŭ u kastryčniku 2023 hoda.
Kazielski vučyć supracoŭnikaŭ Departamienta achovy MUS pracy sa ŚMI. Fota z sajta departamienta
Nieviadoma dakładna, kali apieratara zatrymali, ale heta adbyłosia bolš za paŭhoda tamu.
Sprava moža być u telehram-kamientarach, jakija pakidaŭ mužčyna. Jon raniej šmat kamientavaŭ u roznych palityčnych hrupach, ale samich kamientaroŭ my nie adšukali — jon ich vydaliŭ. Znajści na ich možna tolki ŭskosna, praz adkazy inšych karystalnikaŭ dy ślady mužčyny ŭ hrupach.
Akaŭnt supracoŭnika ANT pry hetym zusim nieabaronieny. Jaho možna znajści pa telefonnym numary, a ŭ samim akaŭncie Anton vykarystoŭvaŭ ułasnyja fota.
Sud nad Antonam pačaŭsia siońnia, 20 maja. Jaho abvinavačvajuć pa dvuch artykułach KK — «zakliki da sankcyjaŭ i inšych dziejańniaŭ, nakiravanych na škodu nacyjanalnaj biaśpiecy» (č. 3 art. 361 KK) i «raspalvańnie varožaści abo varažniečy» (č. 1 art. 130 KK). Jamu pahražaje ad čatyroch da dvanaccaci hadoŭ kałonii.
Ja vydaliŭ Telegram-akaŭnt. Ja ŭ biaśpiecy?
Baranavickamu ipešniku pahražaje da 12 hadoŭ turmy za «zakliki da sankcyjaŭ»