U Litvie pamiežnikam daduć ciažkoje ŭzbrajeńnie
Ministarka ŭnutranych spraŭ Litvy Ahnie Biłatajcie zajaviła, što litoŭskija pamiežniki da kanca 2024 hoda atrymajuć dla vykanańnia svaich zadač ciažkoje ŭzbrajeńnie. Jana skazała pra heta padčas naviedvańnia razam z premjer-ministarkaj Inhrydaj Šymanicie aeradroma Pałukśnis u Trockim rajonie, piša BNS.
20.05.2024 / 19:36
Płot na litoŭska-biełaruskaj miažy
«Ministerstva nacyjanalnaj abarony taksama budzie spryjać zabieśpiačeńniu pamiežnikaŭ ciažkim uzbrajeńniem. Ja nie chacieła b zahłyblacca ŭ detali, tamu što ŭsio heta jašče na stadyi abmierkavańnia», — skazała ministarka.
Pavodle jaje, takoje rašeńnie źjaviłasia ŭ adkaz na ŭroki rasijskaj ahresii va Ukrainu.
U svaju čarhu, kiraŭnik Pamiežnaj słužby Litvy Rustam Lubajeŭ paviedamiŭ, što ciažkoje ŭzbrajeńnie budzie ŭklučać jak mabilnuju, tak i stacyjanarnuju techniku, i nabuduć jaho da kanca 2024 hoda.
«Prynamsi, na pieršym etapie ŭzbrajeńnie, jakoje płanujecca nabyć, nie patrabuje admysłovaj padrychtoŭki. […] Jaho možna budzie vykarystoŭvać suprać vajskoŭcaŭ i suprać peŭnaj techniki», — zajaviŭ Lubajeŭ.
U Kamiennym Łohu stanie jašče horš — tam mianiajuć asfalt
Incydent u punkcie propusku «Miedniki — Kamienny Łoh». Pamiežny punkt nie pracavaŭ niekalki hadzin
Ź Biełarusi ŭ Litvu nie prapuścili Z-vahon
Armija Litvy ŭpieršyniu ŭ historyi praviała ahniavyja vučeńni HIMARS